Partia Demokratike pritet që të mbledhë ditën e sotme në orën 11:00 grupin parlamentar, të thirrur nga Lulzim Basha.
Raportohet se në fokus të mbledhjes së sotme në selinë blu do të jenë çështjet e brendshme të PD-së dhe e ardhmja e saj.
Një takim i tillë vjen pas zgjedhjeve të 6 Marsit, ku PD doli e treta në 5 nga 6 bashki, gjë që cila ka shkaktuar pakënaqësi te demokratët.
Tashmë një pjesë e madhe e deputetëve po kërkojnë dorëheqjen e Bashës si kryetar i partisë edhe në mesin e atyre që e mbështesnin para 6 Marsit.
Tanimë, Basha nuk ka më mbështetjen e shumicës së grupit parlamentar të PD. Nëse Basha nuk jep dorëheqjen, një nga skenarët mund të jetë kërkesa për përjashtimin e tij nga grupi parlamentar demokrat – me kërkesë të deputetëve që tanimë i kanë dalë kundër.
