Bayern Munich nuk ka shkuar më larg se një barazim 1-1 në fushën e Hoffenheim. Ndalesa e dytë radhazi për bavarezët në Bundesliga, pas barazimit 1-1 të javës së kaluar kundër Leverkusen.
Hoffenheim ka kaluar në avantazh në minutën e 31-të me Baumgartner, ndërsa Lewandowski ka barazuar sfidën në fundin e pjesës së parë.
Sulmuesi polak ka shënuar 17 gola në takimet e këtij sezoni të kampionatit gjerman të luajtura në transfertë, duke barazuar Jupp Heynckes në 1973/74 dhe Timo Werner në 2019/20 për numrin më të madh të golave të shënuar në transfertë në një sezon të vetëm.
Nga kjo ndalesë e Bayern-it mund të përfitojë Borussia Dortmund, që është 10 pikë larg kryesuesve, por ka dy ndeshje më pak.
