Protesta qytetare është zhvendosur nga bulevardi “Dëshmorët e Kombit” te zona e Zogut të Zi në Tiranë, në një tentativë për të bllokuar një prej kryqëzimeve më të rëndësishme sa i takon qarkullimit të mjeteve.
Pikërisht aty ishin përqëndruar mbi 200 forca policore, por edhe shumë civilë, ndërsa pas disa minutave të tensionuara, qytetarët janë zhvendosur nga rruga te trotuaret.
Në një moment ka pasur tensione mes deputetit demokrat Lefter Gështenja, dhe disa punonjësve të Policisë.
Gështenja ka kërkuar që policia të mos prekë protestuesit dhe të mos shoqërojë asnjë qytetar, ndërkohë që nga ana e policisë është kërkuar ligji, i cili sipas tyre është mbrojtja e të drejtave dhe lirisë së qytetarëve.
Mes deputetit dhe të paktën 2 punonjësve të policisë ka pasur shtyrje.
