Tensionohet situata dhe nisin arrestimet nga policia. Edi Rama duket se nuk ka duruar më shumë se dy ditë protestat qytetare, ndërsa ka vendosur të shkojë në një përballje të dhunshme me qytetarët e revolutuar, të cilët protestojnë kundër rritjes së çmimeve.
Nga raportimet mësohet se Policia ka shoqëruar disa persona, duke i shkëputur me forcë nga turma. Efektivë policie meshkuj kanë shoqëruar në furgonin e policisë me forcë edhe protestuese gra.
Në aksionin kundër qytetarëve janë angazhuar forcat e FNSH dhe ato Shqiponja, ndërsa kryepolici Gledis Nano ka paralajmëruar ato që bllokojnë rrugët se do të përballen me forcën e ligjit.
Gjithashtu raportohet se dhunë është përdorur edhe ndaj disa përfaqësuesve të mediave që po transmetojnë ngjarjet.
