Sfidat e para të Ligës së Konferencës, të raundit të 1/8-ve u mbyllën pa shumë surpriza, por me shumë gola.
Roma arriti një fitore të rëndësishme me shifrat 0-1 përballë Viteshes. Protagonist ishte portugezi Serxhio Oliveira, i cili shënoi në fundin e pjesës së parë. Gjithashtu ai do të ndëshkoheshe dhe dy herë në 9 minuta me kartonë të verdhë, për t’i lënë miqtë me 10 lojtarë.
Gjithashtu titullar në këtë sfidë ishte dhe mbrojtësi Marash Kumbulla, i cili nuk lejoi që të krijoheshin raste nga vendasit.
Në sfidat e tjera, Fejenordi shpartalloi në transfertë Partizanin e Beogradit me shifrat 2-5. Takimi nisi mirë për vendasit, të cilët shkuan dy herë në avantazh, por holandezët më pas nuk toleruan.
Gjithashtu shumë gola pati dhe në Pragë, ku Sllavia mposhti me rezultatin 4-1 LASK. Në këtë sfidë shënoi dhe ish-sulmuesi i Skënderbeut, Peter Olainka.
Në sfidën tjetër, Paoku fitoi minimalisht me Gent në shtëpi.
