Teksa është mbyllur java e 24-të e Kategorisë Superiore, emisioni “Analizë Superiore”, ka publikuar edhe formacionin e përditësuar.
Në këtë formacion kemi vetëm dy ndryshime, në krahasim më një javë më parë. Lojtari i Vllazninsë, Liridon Latifi ka “nxjerrë” jashtë 11-shes Redon Xhixhën, duke i marrë vendin në krahun e majtë të mesfushës.
Ndryshimi tjetër është Vesel Limaj që vendoset në qendër të mesfushës, duke “përjashtuar” Julian Shehun
Pjesa tjetër e formacionit ka mbetur e pandryshuar. Vlen të theksohet se ky është formacioni më i mirë deri në javën e 24-t, bazuar në të dhënat statistikore të të gjithë futbollistëve.
