Qytetarët e Shkodrës janë të parët ata që kanë reaguar kundër rritjes ekstreme të çmimit të naftës në pikat e karburantit.
Në një organizim të shpejt në rrjetet sociale, drejtuesit e mjeteve kanë bllokuar për disa minuta urën e Bahçallëkut që të çon në Shkodër, duke paralizuar lëvizjen.
Rritja drastike brenda ditës e naftës, për shumë qytetarë konsiderohet një spekulim dhe shumë prej tyre kërkojnë nga qeveria të rishikojnë taksat e vendosura ndaj saj.
Në orën 5 pasdite, një protestë është paralajmëruar në kryeqytet, para kryeministrisë.
Këtë të Mërkurë, çmimi i naftës në vend arriti një tjetër rekord historik, duke u tregtuar me mbi 250 Lekë për Litër në pikat e furnizimit të automjeteve.
Ndërkohë, kryeministri Edi Rama ka paralajmëruar dhe rritje të çmimit të energjisë elektrike, duke u shprehur se rritjet e çmimeve janë efekteve të luftës në Ukrainë.
Ish-kryeministri Sali Berisha propozoi një paketë masash me qëllim uljen e çmimit të karburanteve dhe akuzoi për spekulantë në treg.
