Disa qindra qytetarë i janë bashkuar protestës qytetare para Kryeministrisë, ndërsa i kanë bërë thirrje Qeverisë që të marrë masa përballë rritjes së çmimeve.
Nisur nga deklaratat e një dite më parë dhe këshillave të ministres Belinda Balluku, e cila udhëzoi qytetarët që të mos pvrdorin makinat, i riu Rigels Xhemollari i ka kujtuar ministres së Energjitikës dhe Infrastrukturës makinat luksoze që i presin te dera e ministrive apo te Parlamenti
“Makina luskoze të të gjithë politikanëve, përfshirë dhe ministren. Ato nuk i përdorin këmbët as për të dalë nga dera e zyrës së tyre. Ndizet makina para që ajo të jetë e ngrohtë kur ministrant të futen.”-tha i riu.
Më tej, ai theksoi se shumë shoqata janë vënë në vëshitrësi për shkak të rritjes së çmimeve.
“Grupet do bëhen bashkë dhe do ta çojmë përpara këtë çështje. Faleminderit që i jepni ju zë kauzave të qytetarëve se këta duan të na çojnë 100 vite mbrapa. Jemi këtu për të ndaluar abuzimin me rritjen e çmimit të naftës dhe produkteve të shportës.”-tha i riu Xhemollari.
