Partizani do të luajë ditën e shtunë sfidën e javës së 25-të të Superligës ndaj Egnatias. Takimi do të zhvillohet në “Elbasan Arena” dhe do të nisë në orën 16:45.
Pas barazimit në derbi, të kuqve nuk u lejohen më hapa fals për të kapur Europën përmes kampionatit dhe ndaj Egantias, fitorja është detyrim.
Partizani ka nisur përgatitjet për këtë ndeshje dhe trajneri Dritan Mehmeti do të ketë të gjithë skuadrë në dispozicion. Të gjithë lojtarët janë gati dhe të kuqtë pritet të zbresin në fushë me “artilerinë e rëndë” për të kërkuar fitoren.
Një 3 pikësh në këtë ndeshje mund t’i afrojë akoma edhe më shumë të kuqtë me zonën Europiane duke parë që Vllaznia dhe Kukësi do të kenë ndeshje të vështira përballë Tiranës dhe Dinamos.
