Në qytetin jugor të Ukrainës, Melitopol, të hënën, kryetari Ivan Federov u ul në tryezën e tij për të treguar të dhënat e fundit në lidhje me luftën.
Ai u tha ndjekësve të tij në “Facebook” se forcat ruse që pushtuan qytetin tani kishin marrë kontrollin e rrjetit të komunikimit të qytetit, kështu që ata duhej të ishin të kujdesshëm ndaj asaj që dëgjonin në TV dhe radio.
Sesa njerëz do ta shihnin paralajmërimin e tij, ai nuk e dinte.
Lidhja me internetin e Melitopol gjithashtu ishte zhdukur, duke e bërë pothuajse të pamundur kontaktin me njerëzit brenda me anë të telefonatës WhatsApp ose Telegram, ose qëndrimin e lidhur për më shumë se disa minuta.
Linjat e zakonshme telefonike nuk ishin më një opsion, tha Federov për BBC, kur aplikacioni Telegram më në fund u lidh. “Ne nuk mund të përdorim më aplikacionet e komunikimit” tha ai. “Shumë e lehtë është për rusët për të dëgjuar.”
Kur forcat pushtuese morën kontrollin e Melitopolit një javë më parë, ata plaçkitën zyrat e kryetarit të bashkisë, tha Federov, duke internuar ekipin e tij në një vend tjetër.
“Ne nuk po bashkëpunojmë me rusët në asnjë mënyrë,” tha Federov prerazi. “Ata nuk janë përpjekur të na ndihmojnë, nuk mund të na ndihmojnë dhe ne nuk duam ndihmën e tyre”.
Presidenti rus, Vladimir Putin, ka pohuar se ai po çliron tokat dhe folësit historikisht rusë nga një regjim nazist. Por në Melitopol dhe në një varg qytetesh të tjera kryesisht rusishtfolëse jugore dhe lindore, forcat e tij e kanë gjetur veten të trajtuar si pushtues.
