Vllaznia do të sfidojë Partizanin në gjysmëfinalen e Kupës së Shqipërisë më 30 mars. Për shortin e hedhur ditën e sotme, në një prononcim për mediat ka folur drejtori i shkodranëve, Matko Djarmati, i cili ka analizuar këtë dy duele të kuqebluve ndaj ekipit nga kryeqyteti:
“Të fitosh Kupën, sigurisht që do të sfidosh ekipet më të mira të Shqipërisë. Nëse do të kisha mundësi të zgjidhja mes Teutës dhe Partizanit do të zgjidhja këta të fundit për arsye sepse kundër Partizanit nuk do të luajmë në kryeqytet, do të luajë besoj në Elbasan dhe në ndeshjen e dytë do të luajmë në Shkodër dhe këtu është një plus për ekipin.
Jemi të zhgënjyer nga sezoni, nuk jemi të gjithë të kënaqur me vendin që ndodhemi në klasifikimin e përgjithshëm në kampionat, por deri në fund kemi mundësi, do të shpëtojmë me një trofe dhe me Kupat e Europës, besoj se do të jetë një sezon më i mirë për ne.
Kupa do të jetë dita e fundit kur të mbarojë kampionati, shansin më të shpejtë kemi që të kapim Kupat e Europës në kampionat dhe sigurisht që synimi ynë do të jenë vendet e para në kampionat.
Kupa është pas kampionatit, ne dalim në vendin e katërt dhe humbasim Kupën dhe nuk hymë në Kupat e Europës, prej kampionatit do të provojmë të hymë në Europë.
Nuk kam preferencë me asnjë nga tre ekipet, kanë një ekip shumë cilësorë. Kanë bërë përforcime shumë të mira në janar. I vetmi ekip në merkaton dimërore në Shqipëri që ka bërë punë të mirë dhe gjithë të tjerat për mendimin tim janë të dështuar sepse merkato e dimrit është e ‘varfër’.
Partizani me këto rezultate nuk është më ai ekip i përpara Vitit të Ri. Është një ekip besoj i barabartë me ne.”, përfundoi Matko Djarmati.
