Shqipëria deri më tani ka çmimin më të lartë të karburantit në krahasim me Maqedoninë e Veriut dhe Kosovën.
Në emisionin “Opinion”, ministri i Ekonomisë në Maqedoninë Veriut, Kreshnik Bekteshi tha se një litër naftë në vendin e tij kushton 1 euro e 39 cent.
Ndëkohë në Kosovë, litri i naftës kushton 1 euro e 85 cent, ndërsa nv Shqipëri 1 litër naftë llogaritet me 2.2 euro.
Ministri i Ekonomisë në Maqedoninë e Veriut tha se është vendosur ulja e TVSH dhe akcizës. Sipas tij, TVSH është reduktuar me 25 %, ndërsa akciza nga 18 në 10.
Ai pohoi se një masë e tillë do të vijojë deri më 31 maj, pasi mendohet se do të ketë një përmirësim të situatës.
Ndërkohë në Shqipëri, reduktimi i taksave që sot përfshihen në çmimin e karburanteve, konsiderohet si herezi dhe përjashtohet totalisht mundësia që mund të reduktohen apo ulen, qoftë edhe përkohësisht.
