Sinjale nervozizmi për talentin e Club Brugge, Noa Lang, i cili është një nga objektivat e Milan-it për sezonin e ardhshëm. Sulmuesi holandez i krahut, i zëvendësuar në ndeshjen kundër Seraing, ka shkuar menjëherë në dhomat e zhveshjes duke bërë të shpërthejnë zërat për të ardhmen e tij.
22-vjeçari, i zëvendësuar në minutën e 63-të të ndeshjes së Jupiler League me rezultatin 3-0 në favor të Brugge, ka shprehur të gjithë zemërimin e tij kundrejt trajnerit Alfred Schreuder gjatë daljes nga fusha.
Një sjelkje kjo që nuk është pëlqyer nga trajneri, i cili ka shpjeguar:
“Kishim rënë dakord më parë se do t’i kishim dhënë minuta atyre që kanë luajtur më pak, është për të ardhur keq që ka ndodhur ky episod në një mbrëmje kaq të bukut”, ka thënë tekniku për voetbal24.be.
Noa Lang, i cili nuk po shkëlqen në jëtë sezon siç ka bërë në të kaluarin, ka dëshirë të largohet nga Brugge në fundin e sezonit. Paolo Maldini dhe Frederic Massara kanë shprehur interesimin e tyre në të kaluarën, por nuk do të ofrojnë më shumë se 20 milionë euro, sipas mediave belge. Për lojtarin interesohet edhe Arsenal-i.
Po kush është Noa Lang? Mesfushor sulmues në gjendje të të bëjë edhe rolin e fantazistit, Noa Lang mund të luajë edhe si sulmues krahu në një skemë 4-3-3 dhe ën vijën e fantazistëve në skemën tipike 4-2-3-1 të Stefabno Pioli-t.
I dalë nga shkolla e Ajax-it, ai mund të luajë në të dy krahët e sulmit falë teknikës së tij dhe është një lojtar që jep shumë asiste (12 deri tani në 27 ndeshje të luajtura në kampionatin belg).
