Interi përshëndet Ligën e Kampionëve duke rrëmbyer një sukses në Anfield kundër Liverpool-it. Një sukses prestigjioz, por jo i mjaftueshëm për të kaluar në çerekfinale. Ky është komenti që trajneri Simone Inzaghi bëri për Sport Mediaset pas ndeshjes:
Sa i vlefshëm është ky sukses?
“Kemi pasur një lojë të shkëlqyer kundër një kundërshtari shumë të fortë. Djemtë kanë bërë shumë mirë, ka keqardhje për ndeshjen e parë. Këtu fituam 1-0, Liverpooli dukej se e kishte pësuar goditjen, më pas ishte i kuqi i Sanchez. Nuk pendohem qe nuk e zëvendesova sepse me duhej për atë qe po jepte…”.
Po bënit gjithashtu zëvendësime për të ndryshuar trendin e ndeshjes?
“Po, sepse skuadra ishte në lojë. Ne e mbajtëm mirë fushën, duke vuajtur vetëm me topa joaktivë. Keqardhja mbetet, nuk e heqim fitoren ne Anfield pasi është e bukur por ishte e kotë për kualifikim…”
A është ky një hap më shumë për të bërë mirë në Evropë?
“Unë mendoj se po. Ne jemi kthyer në raundin e 16-të të Ligës së Kampionëve pas dhjetë vjetësh, shorti na dha ekipin më të fortë në Evropë, por ne luajtëm në mënyrë të barabartë. Ne nuk ishim inferiorë ndaj Liverpool-it në dy ndeshje.”
Çfarë Interi prisni të shihni tani?
“Ne e dimë se të dielën kemi një lojë të komplikuar kundër një kundërshtari në formë. Na u desh të ndryshonim De Vrij dhe Brozovic për shkak dëmtimesh, shpresojmë t’i rikuperojmë”
Trajnerët e tjerë te Serie A thonë qe je favorit…
“Nuk e di, punoj në atë që mund të ndikoj. Duhet të rikuperojmë energjitë fizike dhe mendore pas kësaj përballjeje të dyfishtë ku dolëm shumë mirë”.
