“Nuk do të kemi kufizime të furnizimit me energji elektrike, derisa të arrijmë të gjejmë në treg sasitë e nevojshme”, u shpreh ministrja e Energjitikës dhe Infrastrukturës, Belinda Balluku. Ajo tha se pavarësisht çmimeve, deri më sot Qeveria ka mbrojtur konsumatorin duke mos pranuar rritjen e çmimit të energjisë për to, pavarësisht se sot çmimet në treg janë shumë të larta.
Në këtë kuadër ajo sqaroi se për 1 kw/orë shqiptarët paguajnë 9 lekë, ndërkohë që blihet 61 lekë.
Lidhur me çmimin e karburanteve, Balluku tha se Qeveria nuk mund të ndërhyjë në treg, por këshilloi qytetarët që të kufizojnë lëvizjet e tyre me automjete.
“Kjo ndodh kudo në Botë, kur ka rritje çmimesh kufizohen lëvizjet. Ata që kanë makina të qarkullojnë më pak, mos shkojnë me makinë për të blerë një paketë cigare apo një bukë, por të ecin në këmbë. Ne nuk mund të ndërhyjmë, taksat që paguhen këtu, paguhen kudo në Botë. Taksa e qarkullimit apo karbonit është kudo, thjesht ne e kemi të përfshirë te çmimi karburantit, të tjerët e kanë të ndarë, por ajo paguhet. Unë nuk e di që ndodnjë që s´ka automjet të shkojë të bjelë naftë me bidona për arsye të tjera”, tha Balluku.
