Ka ndryshuar rregullorja e futbollit për t’u ngjitur në Superiore. Deri pak ditë më parë gjithë opinioni shqiptar ishte i bindur se në fund të sezonit skuadra e vendit të 8-të në Superiore luante një ndeshje shtesë me vendin e tretë të Kategorisë së Parë.
Por tashmë rregullorja duket se ka ndryshuar. Ashtu siç raporton “Panoramasport”, bien dy ekipe dhe vendi i tetë luan “play off”. Ndërsa në Kategorinë e Parë skuadra që luan “play off” për një biletë në Superiore nuk është më vendi i tretë automatikisht.
Jo. Sepse në fund të sezonit vendi i tretë do të luajë në shtëpi ndeshje teke kundër vendit të gjashtë dhe vendi i katërt do të luajë ndeshje teke në shtëpi kundër vendit të pestë.
Pra, 3-6 dhe 4-5. Fitueset e këtyre dy çifteve do të përballen me njëra-tjetrën në një “finale” dhe ajo që triumfon do të luajë më pas ndeshjen me vendin e tetë të Superiores.
SI ISHTE RREGULLORJA
Nga Superiorja zbresin dy skuadrat e vendit të fundit (9, 10) dhe vendi i 8-të luan “play out” me vendin e tretë të Kategorisë së Parë.
Ndërkohë, nga Kategoria e Parë ngjiten direkt dy ekipet e para (1, 2) dhe zbresin katër vendet të fundit (13, 14, 15, 16). Mirëpo, ka ndryshuar formula e “play off”.
SI KA NDRYSHUAR
Për Superioren nuk ka asnjë ndryshim: bien dy ekipe dhe vendi i tetë luan “play off”. Ndërsa në Kategorinë e Parë skuadra që luan “play off” për një biletë në Superiore nuk është më vendi i tretë automatikisht.
Jo. Sepse në fund të sezonit vendi i tretë do të luajë në shtëpi ndeshje teke kundër vendit të gjashtë dhe vendi i katërt do të luajë ndeshje teke në shtëpi kundër vendit të pestë.
Pra, 3-6 dhe 4-5. Fitueset e këtyre dy çifteve do të përballen me njëra-tjetrën në një “finale” dhe ajo që triumfon do të luajë më pas ndeshjen me vendin e tetë të Superiores.
ÇFARË SJELL KJO?
Ky ndryshim natyrshëm që e bën garën më interesante në Kategorinë e Parë, sepse u jep shpresë ekipeve që sot renditen në vendin e 10-të si Besëlidhja (26 pikë), e cila është vetëm 6 pikë vendit të gjashtë që mbahet nga Tomori.
Janë edhe 8 ndeshje për t’u luajtur. Kjo e bën garën më gjithëpërfshirëse dhe u jep shpresë disa klubeve që me formulën e vjetër do të ishin dorëzuar me kohë, sepse tashmë vendin e tretë e shohin shumë larg.
Parë në këtë këndvështrim, FSHF ka bërë gjetje, sepse duket se formula e re prodhon më shumë garë se e vjetra.
/Panoramasport
