Java e 25-të e Superiores do të luhet në fundjavë. Ditën e shtunë janë programuar 3 takime në orën 16.45. Padyshim, sfida që spikat më shumë se të tjerat është ajo mes Vllaznisë dhe Tiranës (Klasikja).
Shkodranët do kërkojnë të fitojnë për të vazhduar kështu garën për Europën, ndërsa bardheblutë duan triumfin për t’u afruar kështu edhe më shumë drejt titullit. Partizani pret Egnatian, ndërsa Kastrioti do kërkojë të vështirësojë jetën e durrsakëve, në transfertë.
Të dielën, rreth orës 13.45, Laçi dhe Skënderbeu do “përplasen” në Kurbin për objektiva krejtësisht të ndryshëm. Në orën 16.45, Kukësi gjen Dinamon. Verilindorët nuk mund të gabojnë nëse duan Europën, ndërsa kryeqytetasit do ishin të kënaqur edhe me një pikë.
Superliga shqiptare
Java 25
E shtunë, 12 mars
16:45
Vllaznia – Tirana
Partizani – Egnatia
Teuta – Kastrioti
E diel, 13 mars
13:45 Laçi – Skënderbeu
16:45 Dinamo – Kukësi
