Lulzim Basha po zhvillon një takim me kolegjin e kryetarëve, e thënë ndryshe kryetarët e degëve, mbledhje kjo që mbahet dy ditë pas zgjedhjeve të 6 marsit, ku kandidatët e caktuar nga Basha u renditën të 3-ët në garën për Kryebashkiak.
Duket se Basha ka thirrur drejtuesit e degëve për të kërkuar mbështetjen e tyre, pasi mbrëmjen e së hënës u pvrball me kërkesën e të paktën 18 deputetëve, për tu larguar nga PD dhe për ti hapur rrugën zgjedhjeve të reja.
Dhe ashtu siç pritej, duket se të pranishmit i kanë dhënë Bashës mbështetjen, pavarësisht peshës së tyre në elektoratin e PD.
Nënkryetari i degës së Lezhës, Fran Frrokaj, duke iu drejtuar Lulzim Bashës i tha: “harroje dorëheqjen”. Gjithashtu Frrokaj gjatë fjalës së tij nuk kaloi pa sulmuar Sali Berishën për të cilin tha se shqiptarët e larguan nga pushteti me 1 milion vota kundër.
Diskutimet
Fran Frrokaj, nënkryetar Lezhës: Falenderoj 6 kandidatët. Nga 6 bashki 5 kanë qenë të majta. Nuk ka ndodhur që në zgjedhje të pjesshme të fitojë opozita. Mos të shkojnë deputetët me versaçe, por të shkojnë për të punuar. Duhet të kthjellohemi e të gjykojmë!
Mark Ruçi, Mirditë: duhet një strategji që të dimë si të ecim nesër në zgjedhje. Makineria e pushtetit vijon vijën e partisë së pushtetit të parë (komunizmit). Duhet të konsultohemi me njerëzit që të marrim përgjegjësi. Duhet të qetësohemi e të logjikojmë. Falendëroj kandidatët që përballuan një garë të barabartë.
Frrokaj: Të gjithë harrojnë se Berisha është non grata dhe sulmojnë PD. Ne nuk jemi për kryetarin dhe as atë që do vijë nesër, por jemi për PD-në. Vendimi fundit që duhet të mendosh dorëheqjen kryetar. Duhet ta harrosh dorëheqjen!
Në 2013 nuk ke humbur ti, por Sali Berisha me 1 milion vota kundër. Kishte krejt shtetin por humbi me 1 milion vota kundër!
