“Në zgjedhjet e pjesshme të 6 Marsit, Partia Demokratike pësoi një humbje tronditëse duke tejkaluar çdo parashikim ogurzi”, shprehet deputeti demokrat Agron Gjekmarkaj.
I rreshtuar kreh Bashës deri tani, Gjekmarkaj shton se “përtej çdo rrethane kundër nesh, sado të dukshme e turpëruese, ne nuk mund të akuzojmë askënd pos vetes”.
“Çdo justifikim është i papranueshëm”, shprehet ai më tej në një postim në FB.
“PD duhet të mbledh sonte me urgjencë organet e saj dhe të nxjerre përgjegjësitë që çuan në këtë katastrofë elektorale. Unë, prej dy muajsh jam njëri prej katër Nënkryetarëve të PD-së dhe jam i gatshëm të mbaj përgjegjësinë time. Nuk do t’i shmangem asaj për asnjë arsye apo interes që bie në kundërshtim me vullnetin e shoqërisë dhe parimet e mia etike”, e mbyll ai reagimin.
