Anëtari i Komisionit të Rithemelimit në PD, Arben Ristani, duke folur në Syri Tv, u shpreh se fitorja e Bardh Spahisë në Bashkinë e Shkodrës ishte e padiskutueshme. Ai shtoi se rezultati i dobët i fraksionit të vulës ishte i pritshëm.
“Nuk diskutohej se fraksioni i vulës do të dilte shumë dobët. Rezultati ishte i pritshëm, nuk kishte surprizë. Shtëpia e Lirisë tregoi se është baza e vërtetë e Partisë Demokratike të Shqipërisë.
Rama ka studiuar dhe përpiqet që me çdo kusht ta mbajë pushtetin, e vetmja mënyrë që të mbajë pushtetin kaq gjatë është kapja e opozitës dhe këtë gjë ka bërë. Basha njihet nga shqiptarët si njeri që kalon nga humbja në humbje. Ramës i është dashur ta kapë drejtësinë, që të çojë rezultatin e zgjedhjeve ashtu siç dëshiron ai”, deklaroi Ristani.
