“Ditë e tmerrshme pa diskutim”. Ishte ky komenti i deputetit Ervin Salianji, lidhur me rezultatin e marrë nga kandidatët që garuan në siglën e PD në 6 bashkitë në zgjedhjet e 6 marsit.
Për herë të parë në 31 vite, PD zyrtarisht renditet e treta në një proces elektoral, madje kandidatët e mbështetur nga Lulzim Basha, morën 3-4 herë më pak vota se ato që garuan në siglën e koalicionit “Shtëpia e Lirisë” që mbështetej nga ish-Kryeministri Sali Berisha.
Kandidatët e PD nuk u shpallën fitues në asnjë bashki, ku 5 u fituan nga PS ndërsa Shkodra nga koalicioni “Shtëpia e Lirisë”.
Ndërkohë ndryshe nga Salianji deputetët Enkelejd Alibeaj, Ina Zhupa, dhe Flamur Hoxha nuk pranuan të komentonin teksa futeshin në selinë e PD, ku u zhvillua një mbledhje disa minutëshe, para fillimit të seancës parlamentare.
