“Situata në vend duket e përkeqësuar”, u shpreh Lulzim Basha këtë të Hënë, gjatë një takimi me mësues në kuadër të 7 Marsit, festës së Mësuesit.
Basha zhvilloi një takim me mësues, ku uroi festën, si dhe ceku problematikat në këtë fushë.
“Sot nuk mund të jemi në një tryezë festë, sot situata është duke u përkeqësuar dhe në vend që mësuesve t’u ofrohen kushte për të arritur në vendin që meritojnë sot ndodhe në pozita të pafavorshme”, tha Basha mes të tjerash.
Gjatë fjalës së tij, Basha nuk foli për zgjedhjet lokale, ku ai ka humbur në tre bashki dhe është drejt humbjes në tre të tjera. Në 5 nga 6 bashki, Basha renditet forcë e tretë politike.
