20 komisionerë të PD, të caktuar nga KQZ, nuk kanë marrë ende drejtimin e komisioneve të 20 QV në Vlorë.
Shqetësimin e ngriti Jorida Tabaku, duke thënë se shkak janë bërë komisionerët e PS dhe LSI që kanë bashkuar votat bashkë kundër.
“3 anëtarët e PS bashkuan votën me LSI dhe kanë refuzuar të zbatojnë vendimin e KQZ për emërimin e komisionerëve të PD. Në QV janë emëruar 22 sekretarët e PD dhe nuk ka vendim për 22 kryetarët që i përkasin po PD në 22 qendra të tjera. Janë në komisione si vëzhguese por jo si kryetarë. Subjektet politike të kalojnë përtej porosive partiake dhe politike, të zbatojnë vendimin e Komisionerit dhe KAS. Përfaqësuesit e PS me ata të LSI në komisione kanë refuzuar të zbatojnë këtë vendim. Votuesit të vijnë masivisht për PD, subjektet e tjera janë bërë të gjitha bashkë kundër PD”, tha ajo në një deklaratë për mediat.
E ndërsa ka pasur pretendime se PD ka dërguar komisionerë nga Tirana dhe Kamza dhe jo nga Vora si e përcakton ligji, ajo u shpreh:
“Nuk ka asnjë komisioner nga Kamza, kemi sjellë komisionerë të rinj që kanë kaluar votimin elektronik në njësinë 10 në Tiranë dhe kanë këtë eksperiencë. Ka vështirësi për votimin elektronik. Sollëm të rinj të trajnuar. Kam vënë re votime familjare dhe në grup për shkak të vështirësive”.
