Mbrëmjen e djeshme në “Për’puthen Prime”, Erion Kukaj është deklaruar për Mikela Pupën duke mos i vazhduar më takimet me Rrushe Zybën.
Ai në fillim pati një takim me konkurrenten ku i tha se ndjenjat që kishin për njëri -tjetrin duhet të qëndrojnë aty ku kanë qenë 5 vite më para. Erioni u shpreh se e rrespekton shumë Rrushen dhe shtoi se do të dëshironte që mes tyre të kishte vetëm një miqësi të mirë.
Më pas Erioni u deklarua për Mikelën me fjalët më të ndjera. Gjatë momentit të kërcimit studioja u mbush plot me trëndafila.
“Unë sot deklarohem për ty. Ke qenë dikish që ma ke marrë vëmendjen dhe zemrën që në audicione. Unë e di që jam më se i lumtur. Është një vendim që ka kohë që e kam marrë, por nuk e dija sa i sigurt isha. Tani kam arritur në një pikë që unë këtu dua të njoh vetëm ty.”- u shpreh ai.
