Hotel Flower në Golem mblodhi ditën e shtunë qindra miq dhe bashkëpunëtorë në fushën e turizmit në nderim të Ahmet Çaçit, themeluesit të kompanisë që ndërtoi një model të qëndrueshëm turizmi përmes investimeve në turizëm dhe ndërtim.
Ahmet Çaçi, i cili u nda nga jeta një vit më parë prej Covid, është një nga investitorët më të rëndësishëm në fushën e turizmit në Shqipëri nga Saranda në Tiranë.
Ndërtimi i hotel Flowre në Golem dhe më pas zgjerimi me Flower Gardens (ish hotel Pameba) i ka dhënë një dimension të ri turizmit në zonë duke imponuar standarde të larta dhe skemë efikase menaxhimi. Gjatë ceremonisë u shfaq një film dokumentar dhe përmes një ceremonie të thjeshtë ju dorëzuan familjarëve disa tituj dhe çmime që nderojnë zotin Çaçi pas vdekjes.
Kështu Bashkia e Sarandës i ka dhënë Ahmet Çaçit certifikatë mirënjohje për rolin e tij në investimet në zhvillimin e turizmit në Sarandë ndërsa Këshilli Bashkiak pritet të miratojë në mbledhjen e radhës titullin “Qytetar nderi”.
Bashkia e Tepelenës dhe Këshilli Bashkiak i kanë akorduar titullin “Qytetar nderi”, të cilin ja dorëzoi kryetari i Bashkisë, Tërmet Peçi.
Bashkia Kavajë i ka vendosur emrin një rrugë në zonën afër hotel “Flower” në Golem, në nderim të investimeve të tij në atë zonë.
Shoqata e operatorëve turistikë kombëtarë po ashtu i ka akorduar një certifikatë mirënjohje.
Ceremonia ishte një rast i mirë për të nderuar punën e tij dhe për të nxitur përfundimin e projekteve që la ende të hapura me ikjen e tij.
