Zgjedhjet në Vorë mund të përfundojnë edhe pa komisionerë të Partisë Demokratike në Vorë. Konfirmimi erdhi nga Komisioneri Shtetëror për Zgjedhjet Ilirjan Celibashi, kur u pyet nga gazetarët, pas shqetësimeve të raportuara nga Partia Demokratike e Lulzim Bashës.
“Nëse është kjo situatë kështu do të përfundojnë dhe do të jenë ata anëtarë që janë prezentë që do ta përfundojnë procesin e votimit”, tha ai, teksa shtoi që rezultati i Vorës do të dalë sapo të mbyllet procesi i votimit.
Celibashi u shpreh nga ana e KQZ u respektua ligji.
Ai konfirmoi edhe komunikimin me deputeten demokrate, Jorida Tabaku, e cila e njohu me shqetësimet e PD.
“Ajo rikonfirmoi shqetësimet e prezantuara edhe nga përfaqësuesi i PD-së në KQZ. E para me mospasjen e anëtarëve të KQZ-së së propozuar nga ana e tyre për arsye që i kemi thënë, shqetësimi i fundit ishte se në disa QV janë emëruar kryetarë, përfaqësues të subjekteve të tjera zgjedhore. KZAZ-ja konfirmoi që nuk ka vendim të tillë. M’u tha që përmes telefonit u është bërë e ditur se mund ta ushtrojnë funksionin e kryetarit. KZAZ më njoftoi se një situatë e tillë ka qenë më parë, por tashmë nuk ka asnjë kryetar të tillë. Dhe kjo ngelet për t’u verifikuar”.
Celibashi foli dhe për pretendimet për votime familjare në Vorë.
Lexo edhe:
Zgjedhjet në Vorë/ Basha paralajmëron kallëzim në SPAK
Pretendimet për procesin e votimit në Vorë, PS: Gjithçka është në përputhje me ligjin
