Këshilli i Ministrave vendosi shtyrjen e afatit të vlefshmërisë për kartat e identitetit që kanë skaduar, për zgjedhësit e 6 bashkive ku zhvillohet proces elektoral, të Dielën.
Afati i vlefshmërisë së këtyre ID kartave shtyhet deri në 7 mars 2022, sipas vendimit të marrë me propozim të ministrit të Brendshëm.
Kjo për t’u dhënë mundësi atyre qytetarëve që nuk kanë rinovuar në kohë dokumentin biometrik, me të cilin mund marrin pjesë në votimet e 6 marsit, njofton ministria e Brendshme.
