Ylli limani ishte një nga të ftuarit e “BB VIP” dhe ka argëtuar banorët me muzikën e tij.
Duke qenë se vajza e Iilr Shaqirit ka talent në muzikë, nuk ka munguar as kërkesa e tij që Ylli të realizojë një bashkëpunim me Emilyn. Mirëpo, përgjigja e Yllit nuk ka qenë pozitive dhe arsyen për këtë e ka treguar në një intervistë për “Top Albania Radio”.
Këngëtari tha se do kishte pasur dëshirë t’ia shkruante një këngë Emilit, sepse në bashkëpunime ai është i vështirë. Megjithatë, nuk e përjashtoi si mundësi.
“I kam parë pamjet kur Ilirit ia vendosnin këngën e gocës dhe normale që emocionohet, se është prind. Edhe unë emocionohem. Ajo ka një zë të bukur.
Bashkëpunim? Nuk është se kemi diçka konkrete. Më shumë kisha pasur qejf të kisha autorësinë e këngës së saj. Unë dua ditë, javë, ndonjëherë edhe vite që të më bindë dikush të bashkëpunoj, sepse jam shumë tekanjoz dhe specifik. Unë krijoj rrallë për dikë tjetër, sepse personalisht nuk ndihem mirë. Ti shkruan diçka që ta ka dalë nga shpirti dhe ia jep dikujt tjetër. Unë dua të jem në paqe me vetën, sepse je duke I plotësuar dikujt një ëndërr dhe duhet të kujdesesh për ta bërë sa më të bukur”, tha Ylli.
