Aktori i njohur i ‘Portokalli’, Ledio Lako ka thumbuar Arjola Demirin në një intervistë. Aktori tha se në rrugën e artit nëse hyn është shumë e vështirë të dalësh, por shtoi se ka disa aktorë që kanë dalë nga shinat.
“Në gjithë rrugën e artit po hyre është një rrugë pa kthim. Por, ka shina. Kush aktor është i disiplinuar di t’i mbajë shinat, ka shumë të tjerë që duan të dalin në det, duan të bëjnë korsi të reja...”-tha ai në “Wake UP”, duke iu referuar me fjalët “korsi të reja” që duan të eksplorojnë gjëra të tjera. Dhe një aktore që ka dashur ta bëjë këtë gjë së fundmi ka qenë Arjola.
Kujtojmë se kur ishte pjesë e “Big Brother VIP”, Arjola tregoi se ëndrra e saj është të jetë prezantuese e “Portokallisë”, deklaratë kjo që u diskutua e kritikua shumë në rrjet.
