Kandidati i Partisë Demokratike për Bashkinë e Lushnjës, Indrit Sefa, zhvilloi një takim me gra dhe vajza që e mbështesin në fushatë.
Sefa u angazhua për rritjen reale të rolit të grave në Bashkinë e Lushnjës. “Kontributi juaj është thelbësor për fitoren e së dielës. Jam i lumtur që kam mbështetjen e vajzave dhe grave! Në Bashki do të jeni pjesë e vendimmarrjeve të rëndësishme për drejtimin e punëve të qytetit. Këtë mbështetje të pazëvendësueshme do t’ua shpërblej me punë për ta bërë më të mirë Lushnjën tonë“, u shpreh kandidati i Partisë Demokratike.
Indrt Sefa theksoi se koha e shkurtër 1-vjeçare nuk do ta pengojë të arrijë qëllimin kryesor të kësaj fushate.
“Ky vit nuk është i mjaftueshëm për t’i bërë të gjitha, por ky vit është i mjaftueshëm për të treguar vizionin. Çdo kapacitet i bashkisë do të vendoset në punë. Fokusi im kryesor janë të rinjtë në punë për të ndaluar shpopullimin dhe për të rikthyer shpresën”, u shpreh Indrit Sefa.
