Kandidati i PD pr Bashkinë e Lushnjes, Indrit Sefa, përmes një spoti elektoral, shprehet se së bashku do të punojmë për Lushnjën në punë.
Sefa sjell problemet kryesore të qytetit, ku përfshihen mungesa e investimeve, ndërsa taksat e qytetarëve nuk shkojnë për shërbimet ndaj tyre.
“Rrugët janë si në mesjetë, por bashkia nuk investon. Gati gjysma e buxhetit, 6 nga 13 miliardë lekë shkon për rroga dhe jo për investime dhe punësim”, thuhet në mesazhin drejtuar qytetarëve.
Në emër të ndryshimit, Indrit Sefa u bën thirrje lushnjarëve të votojnë avokatin e tyre në krye të bashkisë.
“Bashkë do t’ia dalim të sjellim ndryshimin. Lushnjarët meritojnë më të mirën dhe më e mira është vota për PD, është vota për ndryshimin, është vota për nr.2”- është thirrja e Indrit Sefës 3 ditë para zgjedhjeve të së dielës.
