Banorët e qytetit port të Odesës po përgatiten për t’u mbrojtur nga pushtimi rus që pritet të vijë nga deti. Anijet ruse janë filmuar në Detin e Zi nga Gadishulli i Krimesë dhe mendohet se pas marrjes së qytetit tjetër jugor Kherson, objektivi i radhës u ushtrisë ruse është pikërisht Odesa.
Zyrtarët amerikanë kanë paralajmëruar se përpjekja për të marrë kontrollin e pikës strategjike në Detin e Zi mund të nisë që të enjten. Në plazhet e qytetit, ku mendohet se rusët do të zbarkojnë me mjete amfibe, janë vendosur mina.
Të paktën tetë anije ruse janë parë në horizont, si dhe rreth 4000 mjete amfibe, secili në gjendje të mbajë 8 tanke. Këto mjete luftarake u panë në Detin e Zi dy javë para nisjes se pushtimit, duke kryer stërvitje.
Humbja e Odesës, qyteti më i madh port në Ukrainë, do të ishte një katastrofë ekonomike për Ukrainën.
