Ministri i Jashtëm rus Sergei Lavrov, në një konferencë shtypi në Moskë, i adresoi një mesazh Presidentit të SHBA-ve.
Lavrov u shpreh se presidenti amerikan Joe Biden ka thënë se alternativa e vetme ndaj sanksioneve është një luftë e tretë botërore – dhe Lavrov vijoi duke theksuar se një luftë e tretë botërore mund të jetë vetëm “luftë bërthamore”.
Ai shtoi se kjo është vetëm në kokat e politikanëve perëndimorë – dhe nuk është në kokat e popullit rus.
“Nëse bëhet një luftë e vërtetë kundër nesh, atëherë ata që bëjnë plane të tilla duhet të mendojnë për këtë dhe për mendimin tim plane të tilla po bëhen”, vijoi më tej.
Ai përsëriti pretendimin se qeveria ukrainase është një regjim neo-nazist dhe thotë se bandat po plaçkitin qytete, përfshirë Mariupolin.
Lavrov tha gjithashtu se ukrainasit “tani po përpiqen të përdorin civilët si mburoja njerëzore”.
Ministri i Jashtëm rus tha gjithashtu se NATO po përpiqet të forcojë sigurinë e Perëndimit duke ia faturuar kostot Rusisë.
Ai e krahason SHBA-në me Napoleonin dhe Hitlerin, duke thënë se “në ditët e kaluara, Napoleoni dhe Hitleri kishin një qëllim për të nënshtruar Evropën – tani amerikanët e bëjnë këtë”.
Ai tha se anulimi i gazsjellësit Nordstream 2 “tregon vendin” e BE-së, duke sugjeruar se SHBA qëndron pas vendimit.