Opinionistja e “BBV”, Balina Bodinaku, e ftuar në emisionin e Aulonës, foli për divorcin. Ajo e cilësoi si një ndër momentet më të vështira të jetës së saj.
Balina ka treguar se lidhjen e ka nisur që në moshë të re, dhe më pas i është dashur që ta nisë gjithçka nga e para.
“Një nga momentet më të vështira ka qenë divorci, sepse vinte pas një raporti shumë të gjatë. Unë isha fare fëmijë, rreth 17 vjeçe kur fillova lidhjen dhe pas 10 vitesh u ndamë. Duhej ta filloja nga zero gjithçka”, tregoi Balina.
Kujtojmë se ajo prej vitesh po shijon lidhjen me gazetarin Andi Bushati, me të cilin dhe bashkëjeton.
