Trajneri i Partizanit, Dritan Mehmeti u shpreh i lumtur për triumfin 5-0 ndaj Kukësit. Një sukses ky që vjen në prag të derbit ndaj Tiranës, që do të luhet ditën e shtunë. Në prononcimin për “Gol pas Goli”, Mehmeti u shpreh:
FITORJA- Nuk e kisha menduar kaq të thjeshtë. Skuadra ka bërë mirë, më vjen shumë mirë që interpretoi siç duhet atë që kërkova. Të ishte në ekuilibër. Duhet të rrime me këmbë në tokë, kjo ndeshje mbaroi këtu dhe duhet të mendojmë për javën në vazhdim.
Në derbin ndaj Dinamos, na u mohua një 11-metërsh. Skuadra kur imponon ritmin e lojës gjen dhe avantazhin. Duhet të jemi gjithmonë në ekuilibër dhe të menaxhojmë ndeshjen.
Skuadra duhet të ishte më e vendosur në fillim të ndeshjes, edhe pse ishte zgjedhje taktike për ti dhënë epërsi territoriale kundërshtarëve. Ne e interpretuam shumë mirë pjesën në vazhdim. Nga çdo fitore duhet të mësojmë dhe të mendojmë për ndeshjen e radhës, ke një bonos emocional, çdo ndeshje ka historinë e saj.
EUFORIA– Të jep bonos emocional dhe goxha entuziazëm por duhet të jemi të kujdesshëm dhe në ekuilibër. Nuk ka vlerë ndeshja me Kukësin, derbi do të jetë histori tjetër. Duhet të japim maksimumin për të bërë mirë dhe të harrojmë sa më shpejt këtë ndeshje”, u shpreh Dritan Mehmeti.
