Presidenti ukrainas Volodymyr Zelensky ka emëruar gjeneralin Mykola Zhernov në krye të Administratës Ushtarake të Qytetit të Kievit për mbrojtjen e kryeqytetit.
“Mbrojtja e kryeqytetit është mbi të gjitha. Kjo është arsyeja pse vendosa të caktoj një ushtarak profesionist si kreun e Administratës Ushtarake të qytetit të Kievit gjatë luftës. Për të garantuar mbrojtjen e qytetit. Për të bllokuar afrimet e armikut në kryeqytetin tonë. Shefi i administratës ushtarake do të jetë gjenerali Zhernov Mykola Mykolayovych”, njoftoi Zelensky në një fjalim me video.
“Në një nivel të lartë ai organizoi mbështetjen inxhinierike të operacioneve luftarake të Forcave të Armatosura të Ukrainës në vitet 2014-2015. Tani ai është ekspert shtetëror i Shërbimit të Sigurisë Ushtarake. Vitali Klitschko mbetet kryebashkiak i Kievit. Ai do të ketë sferën e tij të përgjegjësisë. Dhe tani do të jetë një punë e përbashkët e kryetarit të bashkisë dhe kreut të administratës ushtarake. Pas luftës, ne do të kthejmë gjithçka në vendin e vet në kryeqytet”, shtoi ai.
