Asambleja e Përgjithshme e Organizatës së Kombeve të Bashkuara ka nisur sesionin e tretë në New York. Mësohet se sot pritet të votohet sërish rezoluta që u propozua nga Shtetet e Bashkuara të Amerikës dhe Shqipërisë që nuk mori dot ‘OK’ nga seanca e mbajtur një ditë më parë.
Asambleja e Përgjithshme u thirr me propozim të Shteteve të Bashkuara të Amerikës. Rezoluta në fjalë dënon agresionin rus kundër Ukrainës dhe kërkon tërheqjen e menjëhershme të të gjitha trupave. Pritet që 193 të pranishmit, përfaqësues të vendeve anëtare të mbajnë fjalën dhe në përfundim të japin votën e tyre.
Seancat e posaçme të OKB janë shumë të rralla, nga viti 1950 janë thirrur 10 seanca të tilla. Dy ditë më parë, Rusia e bllokoi projekt-rezolutën e propozuar nga Shtetet e Bashkuara dhe Shqipëria gjë që pritej për shkak të së drejtës së vetos së Moskës si anëtare e përhershme e Këshillit. Rezoluta kërkon tërheqjen e menjëhershme të trupave ruse nga Ukraina.
