Këngëtarja Fifi ka zbuluar disa detaje të reja lidhur me eksperiencën e saj në “Big Brother VIP”, lidhjen me Adis Patushin dhe marrëdhënien me Beatrix.
Fifi ka realizuar një mini-intervistë virtuale me ndjekësit e saj në Instastory ku mes të tjerash është pyetur nëse do të rikthehej sërish në “Big Brother VIP”, po të fillonte edhe një herë spektakli. Fifi shkruan se do e ribënte si eksperiencë por ndryshe.
“Nëse do të ishte e mundur me u rikthye në kohë absolutisht do e bëja prapë si eksperiencë. Normalisht ndryshe por do e bëja.. sepse kjo eksperiencë më bëri ta gjej atë që unë po kërkoja me vite të tëra, dashurinë”- shkruan ajo.
E pyetur si është njohur me Adisin, Fifi tregoi se janë takuar vetëm pak ditë pas daljes nga formati. Në fakt shkak për njohjen e tyre është bërë Kledi Hysa, ish-banori i “Big Brother VIP” i cili është mik me të dy.
Për raportin me Beatrix, Fifi tha se ka kontakte dhe e ka cilësuar si “baby girl”.
