Prej gjashtë ditës Ukraina po i reziston sulmit ushtarak të Rusisë, ndërsa luftime të ashpra po zhvillohen në pothuajse të gjitha qytetet e mëdha të sulmuara nga ushtria e Putinit.
Ushtrisë ukrainase i është bashkuar edhe popullsia civile, përfshi edhe personzahe të njohura, siç është Miss Ukraian, Anastasiia Lenna. Kjo e fundit ka ndarë në Instagram një foto, ku shfaqet e veshur me rroba ushtarake dhe armë në duar.
Foto në fjalë është shpërndarë edhe nga kryeministri Edi Rama në profilin e tij në “Facebook”, krahas së cilës ka shkruar: “Deri dje ishte thjesht Miss Ukraina”.
Duket se guximi i Miss Ukrainës i ka tërhequr vëmendjen edhe Ramës, ndërsa në rrjet qarkullojnë meme ku venë në lojë personazhet shqiptare, kryesisht politikanë, se çfarë do të bënin ata në rast të një rreziku sikundër po përballet Ukraina.
