Deputeti Dashamir Shehi, kreu i LZHK, shprehet se Lulzim Basha duhej të ishte larguar me kohë nga drejtimi i PD-së, ndërsa e krahason qëndrimin e aktorëve politikë dhe mostërheqjen e tyre, me sjelljen e udhëheqësve autokratë.
Shehi tha se me Bashën, Partia Demokratike mbeti 12 vjet në opozitë.
“Nuk dua të merrem personalisht me Bashën, por edhe numrat janë kundër Bashës. Basha atje ka 8 vjet në opozitë, tani do të rrijë dhe 4, u bënë 12. Për çfarë? Për të shkuar në pushtet. Do të rrijë atje edhe 8, u bënë 20 vjet. Kaq po rri Putin.
A mendojnë këta që në demokraci nuk figurojnë këto lloj numrash? Nuk e kuptojnë që ka një kohë, një cikël. Nuk mund ta mbajnë mbyllur këta të gjithë fushën opozitare: ose vish bluzën time, ose je tradhtar” tha ai te “Vizion plus”.
