Goditet një tjetër rast i armëmbajtjes pa leje në Kamzë. Në pranga ka rënë një 52-vjeçar.
“Gjatë kontrollit të banesës së këtij shtetasi, shërbimet e Policisë gjetën dhe sekuestruan në cilësinë e provës materiale, një armë zjarri pistoletë të lyer me graso dhe futur në një kllëf lëkure, katër krëhëra dhe 173 fishekë luftarak”, njoftoi policia.
Në vijim të veprimeve u bë arrestimi i tij për veprën penale “Mbajtja pa leje dhe prodhimi i armëve, armëve shpërthyese dhe i municionit”, ndërsa materialet i kaluan Prokurorisë së Rrethit Gjyqësor Tiranë, për veprime të mëtejshme procedurale, shtuan të njëjtat burime.
