“Sado ambicioz të jetë plani kundër Ukrainës, nuk mendoj se Putin dëshiron të hyjë në atë hapësirë”, deklaroi ministri britanik i Mbrojtjes, Ben Wallace, duke iu referuar përdorimit të armëve bërthamore nga presidenti rus, Vladimir Putin në Ukrainë, sipas gazetës britanike ”The Guardian”.
”Duhet të shqetësohemi që një shtet si Rusia beson se rregullat nuk vlejnë për ta, pavarësisht nëse janë për të pushtuar Ukrainën ose për të përdorur agjentë nervorë si në Salisbury, por në thelb një pengesë është gjithmonë një pengesë”, deklaroi Wallace në radion ”Times”.
“Kjo ka të bëjë kryesisht me Putinin, që e vendos atë në tryezë vetëm për t’u kujtuar njerëzve, për t’i kujtuar botës, se ai ka një pengesë. Ne nuk do të bëjmë asgjë për të përshkallëzuar në atë zonë. Ne nuk do të bëjmë asgjë për të ushqyer ndonjë llogaritje të gabuar. Ne e marrim atë shumë, shumë seriozisht”, shtoi ai.
“Por, për momentin kjo është një betejë retorike që presidenti Putin po përdor dhe ne vetëm duhet të sigurohemi që ta menaxhojmë siç duhet”, theksoi Wallace.
