“Edi Rama është përgjegjësi kryesor për aferën prej 430 milionë euro me inceneratorët. Shkelja e ligjeve nuk mund të bëhej pa miratimin e tij”, thuhet në një postim të publikuar në faqen zyrtare të Partisë Demokratike në rrjetin social.
Sipas PD-së së drejtuar nga Lulzim Basha, Edi Rama nuk mund të lajë duart nga përgjegjësia për aferën prej 430 milionë euro.
“Në Agjesinë e Prokurimeve Publike nuk ekziston asnjë procedurë koncesioni për inceneratorin e Elbasanit;
APP ka njoftuar Ëngjëll Agaçin se procedura për inceneratorin e Elbasanit nuk ishte ligjore. Agaçi përgatiti VKM-në dhe kaloi mbështetjen financiare;
Koncesioni i inceneratorit të Elbasanit i është dhënë “Albtek Energy” me “negocim pa shpallje”, procedurë që ligji nuk e parashikon;
Koncesoni i’u dha një kompanie që nuk ka asnjë ditë eksperiencë në fushën e incenerimit”, thuhet në postimin e bërë në rrjetet sociale.
