Partizani do të luajë ditën e mërkurë sfidën e javës së 23-të të Superligës. Të kuqtë e drejtuar nga Dritan Mehmeti përballen me Kukësin në një sfidë tepër delikate pasi verilindorët mbajnë vendin e 3-të në renditje e deri më tani kanë bërë një sezon fantastik. Për këtë ndeshje, Partizani do të ketë një mungesë të madhe, atë të Valentino Muratajt.
Mesfushori u ndëshkua me karton të kuq në derbin ndaj Dinamos e për këtë arsye nuk do të jetë në dispozicion të trajnerit Mehmeti për këtë përballje. Murataj që me ndryshimin e trajnerit te Partizani ka fituar vendin e titullarit dhe është kthyer në një pikë kyçe në formacionin e të kuqve.
