Avancimi i ushtarëve të Putinit është ngadalësuar nga ushtria dhe vullnetarët ukrainas, por edhe nga problemet logjistike.
Në ditën e katërt të luftës, trupat ruse nuk kanë arritur ende të marrin në kontroll qytetet kryesore të Ukrainës.
Lufta është në zhvillim e sipër, me bomba të vërteta, por edhe me propagandë. Në këtë pikë, ka shumë analiza ekspertësh për faktin se përse Rusia nuk arriti të plotësojë pritshmëritë e saj për “pushtim të shpejtë”.
1. Kritikët besojnë se Shtabit i Përgjitshëm i Moskës ka nënvlerësuar kundërshtarin, duke qëne i bindur në një neutralizim të shpejtë të komandës së kontrollit ukrainas.
Trupat ruse nuk janë të mbështetura nga “treni logjistik”, siç dëshmohet qartë nga fakti që tanke dhe mjete të tjera të rënda kanë mbetur të bllokuara me serbatorin bosh.
Kolonat ruse kanë ecur përpara, pa u shqetësuar shumë për atë që mund t’i ndodhte pas shpinës. Pikërisht, nga kjo mendjelehtësi kanë pësuar shumë humbje. Numri i të humburve rusë mbahet i fshehtë.
2. Disa analistë theksojnë se ndër repartet e para ruse që janë përdorur në invazion janë edhe Njësitë Kundër Trazirave, trupa që duket se nuk janë aspak të përshtatshme për zhvillimet e ngjarjeve në terren.
3. Ekspertë të ndryshëm vënë theksin tek mungesa e superioritetit rus në ajër dhe një standart i ulët në fluturimet gjatë natës.
4. Ka të tjerë që mendojnë se ngadalësimi i ofensivës nuk është për shkak të kundërshtimit ukrainas. Sipas këtyre ekspertëve, gjeneralët rusë po ndjekin taktikën e “lule-lakrës”-pra, të hash copat një e nga një.
Këta analisë vlerësojnë se rusët nuk po përdorin zjarr masiv kundër Ukrainës, por duke shtuar presionin në mënyrë progresive. Në këtë pikë, bëjnë një paralelizëm me mënyrën se si u futën forcat amerikane në Irak, në vitin 2003.
5. Megjithatë, analistët janë në pritje të zhvillimeve dinamike në orët e ardshme. Një urdhër i mundshëm i Putinit për të dërguar kontigjente të tjera ushtarësh mund të ndryshojë pamjen në Ukrainë. /Përgatiti Boldnews.al/
