Sot është dita e 4-rt e sulmeve të ushtrisë ruse mbi Ukrainë, vend i cili po reziston përballë agresionit, çka duket se ka detyruar shumë nga vendet anëtare të NATO-s të dërgojnv armatime në mbështetje të ushtrisë ukrainase.
Para se të niste sulmi rus mbi Ukrainë, mendohej se gjithçka do të përfundonte brenda 4 ditësh, por duket se ushtrisë ruse jo vetëm i janë shkaktuar dëme që më parë nuk ishin menduar.
Rusia ka vënë në përdorim armë të frikshme, madje ka sulmuar me raketa edhe vendbanimet e civilëve, edhe pse një gjë e tillë mohohet nga Kremlini.
TOS-1, është një nga sistemet më të frikshme të armëve në armaturën konvencionale të Rusisë, një sistem i shumëfishtë i lëshimit të raketave i montuar në shasinë e një tanku T-72. Raketa termobarike të cilat përdorin oksigjen nga ajri për të gjeneruar një shpërthim të lartë.
Ndërsa shumë nga sistemet e armëve të përdorura deri më tani gjatë pushtimit rus kanë qenë kryesisht konvencionale, duke përfshirë versionet e tankeve T-72 dhe mjeteve luftarake të blinduara BMP3, helikopterët Mi8 dhe Ka-52.
Anije, avionë dhe nëndetëse janë rreshtuar nga Rusia kundër Kievit dhe gjithashtu kundër qytetit port jugor të Odesa-s.
