Kryeministri Edi Rama ka mbrojtur projektin e Skavicës gjatë një takimi të zhvilluar në Dibër, një nga 6 bashkitë ku me 6 mars qytetarët do të votojnë për kryebashkiakët e rinj.
Pavarësisht se Skavica përmbyt fshatra në Dibër, Rama u foli dibranëve për liqenin e bukur që do të krijohet.
Gjatë takimit me të rinjtë e Dibrës, në javën e fundit të fushatës elektorale për zgjedhjet e 6 marsit, Rama e argumentoi këtë projekt duke folur për bukurite që do sjelle Liqeni.
Ndërsa për të ilustruar rëndësinë e këtij hidrocentrali, Rama solli si shembull, konfliktin Rusi-Ukrainë, dhe varësinë që kanë vendet e NATO-s, ndaj gazit rus.
Më herët, kryeministri zhvilloi edhe një takim me qytetarët e Dibrës, duke kërkuar pjesëmarrjen e tyre në nismën e Këshillimit Kombëtar, ndërsa nga deklaratat e tij, gjithmonë e më shumë la të kuptohej se qeveria do të vendosë legalizimin e kanabisit, për përdorim farmaceutik, pavarësisht nga kundërshtitë e partnerëve ndërkombëtarë.
