Gazeta Koha Jonë, me botues Nikoll Lesin, në një editorial të sajin, shkruan se lufta e Ukrainës po shpëton ata që ishin përfshirë në aferën e inceneratorëve.
Në editorial thuhet se në një kohë kur SPAK kishte nisur hetimet për aferën dhe kur e gjithë vëmendja ishte përqëndruar te afera e inceneratorëve, nisja e luftës së Rusisë ndaj Ukrainës, tërhoqi të gjithë vëmendjen, ndërsa Kryeministri Edi Rama u shfaq duke thënë se do të mirëpresim ukrahinasit që i largohen luftës.
Gazeta paralajmëron se deri në përfundimin e konfliktit edhe çështja e inceneratorëve mund të harrohet, ose maksimumi mund të arrestohen zyrtarë të niveleve të ulëta,megjithëse kjo ishte një patate e nxehtë, që digjesh edhe po të mos e haje.
