Komisioni Qëndror i Zgjedhjeve i ka kërkuar Prokurorisë verifikim për kandidatin për kryebashkiak të koalicionit “Shtëpia e Lirisë” për Bashkinë e Lushnjes, Elton Bano.
Partia Demokratike e drejtuar nga Lulzim Basha, me kërkesë të firmosur nga Gazment Bardhi, kërkoi nga KQZ verifikimin e kandidatit Bano me pretendimin se ka fshehur në deklaratën e dekriminalizimit një dënim nga autoritetet britanike.
Bano i ka mohuar këto akuza. Ai tha se nuk ka qenë asnjëherë i dënuar në asnjë shtet ku ka qëndruar, ndërsa në Angli ka jetuar si emigrant me leje qëndrimi që i lejonte të vinte dhe shkonte nga Shqipëria deri në vitin 2010.
