Ndërsa luftimet në Kiev u intensifikuan të shtunën, një diplomat i lartë kinez mbrojti qëndrimin e mbajtur prej kohësh të Kinës për mbrojtjen e sovranitetit kombëtar, duke shtuar se ai “zbatohet në mënyrë të barabartë për çështjen e Ukrainës”.
“Kina beson me vendosmëri se sovraniteti dhe integriteti territorial i të gjitha vendeve duhet të respektohen dhe mbrohen dhe qëllimet dhe parimet e (Kartës së OKB-së) të respektohen me seriozitet të vërtetë. Ky pozicion i Kinës është konsistent dhe i qartë dhe vlen njëlloj për Çështja e Ukrainës”, shkroi Liu Xiaoming, përfaqësuesi special i qeverisë kineze për çështjet e gadishullit Korean.
Respekti dhe ruajtja e sovranitetit dhe integritetit territorial vlen edhe për Ukrainën, ishte një nga pesë pikat e qëndrimit të Kinës për krizën mes Moskës dhe Kievit, të paraqitur nga Ministri i Jashtwm kineze Wang Yi në bisedat telefonike që pati me Përfaqësuesin e Lartë tw BE-së, Josep Borrell, ministren e Jashtme britanike Liz Truss dhe Emmanuel Bonne, këshilltari diplomatik i Macron.
Pikat e tjera janë kërkesat legjitime të sigurisë së Rusisë, moderimi kundër përshkallëzimit, një zgjidhje diplomatike dhe një jo për rezolutat e OKB-së për përdorimin e forcës dhe sanksioneve, sipas Kapitullit VII.
Ndërkohë, në rezolutën e paraqitur në Këshillin e Sigurimit të Kombeve të Bashkuara, Kina ka abstenuar. Vota e Kinës pritej me interes, duke patur parasysh marrëdhëniet që ka me Rusinë. Ndërsa Rusia është i vetmi vend që votoi kundër mocionit. Duke qenë se Rusia është anëtare e përhershme e Këshillit të Sigurimit në OKB, vota kundër është VETO ndaj mocionit që dënon pushtimin rus.
